جستجو

تبلیغات



«كه‌م به‌و،كه‌م بچو»

    كه‌م به‌و،كه‌م بچو وه‌ي كُيْووچه‌مانه

    كه‌م سه‌ر بشيوِن وه‌ي خُووار و بانه

    ئاگر نايده‌سهو گيان ده‌روه‌چيل

    خه‌رِگ نايده بانْ شانِ ده‌روه‌چه‌يل

    هاتي داره‌گان وه رِيْ ده‌ر كِردي

    هه‌ر چي ده‌روه‌چه ده‌سْ وه سه‌ر كردي

    هه‌ر ماليگْ بِيه‌سه هزار چه‌و ئه‌راد

    ئي هه‌مكه‌ي چه‌وه نه‌يرِن خه‌و ئه‌راد

    هه‌فت شه‌و هه‌فت روژه كه‌س نه‌خه‌فتيه

    شه‌و هه‌ساره‌يلي هه‌ل نه‌گرديه

    داره‌يل وه خُوه‌شي شه‌يْوْ كه‌نه وه‌رِد

    گه‌لا رِشِنن وه بانِ سه‌رِد

    تو ناز نازار كام ده‌يشت و شاري

    تو چه‌و كاله‌گه‌ي كامين ده‌واري

    مانْگْ و مانْگه‌شه‌و هه‌ر دِگي خُوه‌دي

    روشنايه‌گَه­ي زندگي خُوه‌دي

    مِلوانك وه‌ مِل،پرشه پرشِ نُيْوور

    نزيكِ نزيك،دُيْوورِ دُيْوورِ دُيْوور

    ئه‌زيز خاس  خداي بانِ سه‌ر

    كه‌وْكه چاخه‌گه‌ي قه‌ي كُيوه و كه‌مه‌ر

    تو خُوه‌ري،تو مانگْ،تو هه‌ساره‌گان

    تا نه‌مرديمْنه بنوره پيمان

    تو خُو هه‌م باخي هه‌م خاوِن باخي

    وه ناو ئي هه‌مكه هه‌ر تو وِجاخي

    هه‌ر يه‌ي پِريْوْشه وه لامان بنيش

    خُوه‌رِ تيژيگه وه سامان بنيش

    په‌لِ گُلْوه‌نيد چه خُوِه‌شْ تيه‌يْد و چوود

    چه‌وِ  ئه‌رمه‌نيد چه خُوه‌ش تيه‌يْد و چوود

    وه‌ي وشكه ده‌يشته تو سه‌وزِ سه‌وزي

    سيف و هه‌نار و بايه‌م و مه‌وزي

    شه‌وْ وه‌ باوِشِد چه‌وي چوده خه‌و

    روژ وه‌ لاي تِنه‌و روشِن بودِنه‌و

    ئه‌وقه‌ره به‌رزيد هه‌ر ديار نييد

    خوه‌زيا بزانم زه‌رينه‌ي كييد

    كومه نُيْووره‌گه‌ي شه‌و روشِنه‌و كه‌ر

    روشِن تِره‌كْ وه هزار و يه‌ي خُوه‌ر

    تو را وه‌ خدا و ئي ئاسمانه

    كه‌م به‌و وو بچو وه‌ي كُيْووْچه‌مانه


    این مطلب تا کنون 15 بار بازدید شده است.
    ارسال شده در تاریخ چهار شنبه 8 آبان 1392
    منبع
    برچسب ها : هه‌ر ,وه‌ي ,شه‌و ,سه‌ر ,كه‌م ,
    «كه‌م به‌و،كه‌م بچو»

تبلیغات


    تبلیغات شما در این قسمت

پربازدیدترین مطالب

آمار امروز پنجشنبه 3 فروردين 1396

تبلیغات

محل نمایش تبلیغات شما

تبلیغات

محل نمایش تبلیغات شما

آخرین کلمات جستجو شده

تگ های برتر